Duket se Korça nuk po gjen qetësi nga tërmetet, pasi sot janë regjistruar të paktën tre lëkundje të tjera sizmike.
IGJEUM ka regjistruar lëkundjet e rradhës, që nisen që pas mesnate, ku më e forta prej tyre kishte magnitudë 3.9 Rihter.
Ende nuk dihet nëse lëkundjet janë shoqëruar me dëme të tjera materiale, por nga tërmetet e rëna më herët në rrethin e Korçës janë dëmtuar rreth 184 banesa, 60% prej të cilave janë kthyer në të pabanueshme.
Shumë familje kaluan natën në çadrat e ngritura nga Forcat e Armatosura, mes të ftohtit dhe reshjeve të shiut. Fshatrat më të prekura janë Floqi, Qafëzezi dhe Vidohova./Opinion.al
