Analisti Armand Shkullaku thotë se protesta e fundit e opozitës duke bllokuar rrugët ka qenë sipas tij për të treguar forcën. Sipas tij ky aksion i opozitës duhet të mendohet mirë, sepse njerëzit mund t’ju kthehen kundra.
“Nuk kishte arsye për konfrontim. Policia e Shtetit nuk mund të jetë në çdo aks. Policia ka preferuar të tërhiqet. Kjo ishte një demonstrim force, opozita ka dashur të tregojë se është e aftë dhe me disa njerëz të bllokojë rrugët. Këto nuk janë akte që i shikojmë për herë të parë”, tha Shkullaku në Opinion.
Nga ana tjetër gazetari Alfred Peza kjo opozitë është e dështuar. Ai e argumenton këtë qëndrim duke thënë se protesta e fundit nuk pati asnjë impakt.
“Aq pak i parëndësishëm ishte ky aksion, nuk ka impakt tek qytetarët sa në emisionet politikë të debateve shkon për më pak se 5 minuta. Kjo opozitë është e dështuar”. /Opinion.al
