Të paktën 15 njerëz humbën jetën dhe 11 u plagosën, si pasojë e një zjarri që përfshiu një shtëpi të moshuarish në qytetin e Kharkivit në Ukrainë, raporton Reuters.
Zjarri shpërtheu pasdite në katin e dytë të ndërtesës dykatëshe në kohën kur 33 persona ndodheshin brenda, tha shërbimi i urgjencës i shtetit ukrainas të enjten.
Presidenti i Ukrainës, Volodymyr Zelenskiy, i kërkoi Ministrit të Brendshëm të hapte sa më shpejt një hetim për ngjarjen dhe të identifikonte personat përgjegjës.
Ndërkohë, Prokurori i Përgjithshëm ukrainas tha se autoritetet kishin filluar një hetim penal dhe sqaroi se dyshohet se shkaku paraprak i tragjedisë ishte përdorimi i pakujdesshëm i pajisjeve elektrike të ngrohjes./Opinion.al
