Kati i tretë i një pallati në fshatin Zallë të Fushë-Krujës, është përfshirë nga flakët mëngjesin e sotëm.
Zjarri fillimisht ka rënë në një nga hyrjet e këtij kati dhe më pas është shpërndarë në të gjithë katin pasi çatia e pallatit ishte tepër e vjetër dhe në shumë vende e ndërtuar me materiale druri.
Si pasojë katër fëmijë, të cilët u nxorrën jashtë nga një banor i pallatit, janë asfiksuar. Ata u dërguan në spital dhe ndodhen jashtë rrezikut për jetën.
Për shuarjen e zjarrit janë angazhuar zjarrfikësja e Krujës dhe ajo e Vorës si dhe disa bote uji të bizneseve private të Fushë-Krujës por ka qenë e pamundur të evitohej djegia e tërë katit pasi zjarri i favorizuar nga era dhe nga materialet drusore të stazhionuara është përhapur me shpejtësi.
Papraprakisht dyshohet se shkaku i zjarrit mendohet të jetë një shkëndijë elektrike si pasojë e luhatjeve të tensionit./Opinion.al
