Nazlı Ilıcak, Ahmet dhe Mehmet Altan janë dënuar me burgim të përjetshëm nga Gjykata e Krimeve të Rënda në Turqi. Në profesion gazetarë, ata njiheshin si kritik të qeverisjes së Erdogan. Kjo ka mjaftuar për Gjykatën duke i akuzuar si nxitës të grushtit të shtetit që u zhvillua në Turqi në muajin korrik të vitit 2016. Nazlı është një gazetare në të 60-at e cila shpesh herë ka dalë kundër qeverisë, si edhe kundër mënyrës se si ajo u soll me Opozitën, ndërsa Mehmet dhe Ahmet janë dy vëllezër të cilët akuzohen për të njëjtat qëndrime.
Të tre ata u akuzuan se kishin ndihmuar në grushtin e dështuar të shtetit të vitit 2016, akuzë e cila i jepet çdokujt që ka një qendrim publik jo të njëjtë me qeverinë.
Pjesë e gjykimit ishte edhe gazetari turk-gjerman Deniz Yucel, i cili u liruar pas presioneve të Gjermanisë ku theksohej se bëhet fjalë për një gjykim të padrejtë ndaj gazetarëve në fjalë.
Gazetarët e kanë cilësuar si të kundraligjshëm këtë vendim, duke insistuar në pafajshmërinë e tyre.
