Prestigjiozja “France Football” ka marrë në analizë ndeshjen e zhvilluar mbrëmë, në “Stade Velodrome”, mes Francës dhe Shqipërisë, e fituar nga transalpinët 2-0, ndërkohë që deri në minutën e 89-të gjithçka ishte në barazpeshë dhe bardhësi shifrash. “Blutë kanë siguruar kualifikimin e tyre për në raundin tjetër të europianit, atë me eliminim direkt, por pas një pjese të parë loje të tmerrshme. Ata duhej të prisnin deri në minutën e fundit për të mposhtur kundërshtarin e tyre (2-0),” – citon në fillim kjo revistë sportive franceze, e cila më pas vendos edhe notat për lojtarët që luajtën. Për kombëtaren tonë, ajo shkruan:
“Shqipëri bëri një ndeshje pothuajse të përsosur. Elseid Hysaj shkëlqeu me kuqezinjtë. Shqipëria është përpjekur të ekzistojë deri në fund. Ajo e bëri shumë mirë atë që mund të bëjë, të mbrohej, ruajti qetësinë dhe luftoi trimërisht gjatë gjithë ndeshjes. Gjithmonë tregohej inteligjente me topin. Ashtu si dy anët e mbrojtjes, Hysaj dhe Agolli, të cilët kurrë nuk i lejuan kundërshtarët e tyre “shpikin” ndonjë gjë. Sistemi organizacional i Shqipërisë ishte 4-1-4-1 dhe ka mbetur i fortë deri në minutën e 90-të. Kuqezinjtë, seriozisht ua kanë komplikuar jetën bluve. Ja dhe notat për lojtarët e Shqipërisë: Berisha 5; Hysaj 7; Ajeti 4; Mavraj 5; Agolli 6; Kukeli 4; Lila 6; Memushaj 5; Abrashi 6; Lenjani 5; Sadiku 4.”
