Kreu i grupit parlamentar të LSI-së, Petrit Vasili ka reaguar pas bërjes publike të emrave të ministareve të rinj por dhe bashkimit të disa institucioneve në një. Me anë të një postimi ne rrjetetin social “Facebook” Vasili e quan injorancë bashkimin e ministrisë së Turizmit me mjedisin.
Postimi i plotë i Vasilit
“Turizëm dhe mjedis bashkë, injoranca bën festë.
Kryeministri shkollëpak çuditi dynjanë dje me injorancën e padëgjuar shtetërore të tij. Turizmin dhe mjedisin, oponentët e papajtueshëm të njëri-tjetrit, injoranca e frikshme e kryeministrit i vuri bashkë.
Turizmin, nga mundësi madhore zhvillimi e ktheu në hiç. Turizmi i drogës ka rëndësi për të dhe ai ka shënuar vërtetë suksese.
Do të kemi qeverinë më të kriminalizuar, por edhe kryeinjoranten e Europës. Shkollëpaktit aferim…”,shkruan ai.
