Shkrimtarja e njohur e sagës së librave të Harry Potter, Joanne Rowling ka dhuruar rreth 18.8 milionë dollarë për të zhvilluar më tej kërkimet shkencore për gjetjen e kurës për sëmundjen e sklerozës së shumëfishtë.
Kjo shumë ka shkruar në klinikën “Anne Rowling”, që është themeluar në vitin 2010, falë kontributit të shkrimtares.
Klinika ka emrin e nënës së shkrimtares, e cila ka ndërruar jetë në moshën 54-vjeçare pikërisht nga kjo sëmundje.
Për shkak të kësaj humbje Rowling u përfshi gjithnjë e më shumë për të gjetur kurën për personat që vuajnë nga kjo sëmundje.
Skleroza e shumëfishtë dëmton qelizat nervore në tru dhe në palcën kurrizore dhe për pasojë sistemi nervor nuk arrin të komunikojë. Ajo shkakton probleme në shikim, lodhje, humbje të ekuilibrit dhe dhimbje etj.
Ndërkohë J.K Rowling ka theksuar se do të vijojë të kontribuojë me financime lidhur me kërkimet për të gjetur kurën për këtë problem shëndetësor./Opinion.al/
