Gjatë ditës u njoftua për një valë shkarkimesh në Tatime e Dogana. Por mësohet se kryeministri Edi Rama ka vendosur që të shkrijë hetimin tatimor, një institucion ky në varësi të Drejtorisë së Tatimeve.
Qeveria po planifikon të ngrejë një inspektorat shtetëror për ekonominë, ku do të përfshihet hetimi tatimor dhe ai doganor. Si rezultat i shkrirjes së hetimit tatimor një sërë drejtuesish të kësaj njësie pritet të mbeten pa punë.
Hetimi Tatimor kishte si funksion hetimin e bizneseve për evazion fiskal por shpesh herë është përballur me akuza nga bizneset për korrupsion.
“Hetimi tatimor nuk mund të jetë funksional sikur e duam ne, nëse ata që shfaqen te dera për të kërkuar llogari duken si njerëz në kërkim. Është e pamundur, mua mu ankua njëherë një shitëse, edhe tha më bëjnë presione. Po anonim të lutëm, tha, i thashë i dua me emra…edhe ajo u bëri një video atyre. Unë nuk e besoja dhe mendova se ishin persona që ishin në kërkim, nuk e besoja dot. Hetim tatimor me ato çantat e vogla me rrip, pantallona të shkurtra, kam pas mbajtur edhe unë por nuk isha hetim tatimor, por piktor. Tani duam të bëjmë reformë atje dhe të thërrasim ekselentë dhe të bëjmë një zgjerim. E kishim kufizuar te ata që kanë mbaruar këtë vit dhe sivjet, pro e zgjeruam në 4-5 vitet e fundit, dhe nga 375 të punësuarit, 10 ekselentë kanë ardhur nga jashtë shtetit, do të vijnë të tjerë me siguri. Unë bëmë si vendi, se kush mëson më shumë është budalla. Duhet të krijohet Akademia Fiskale” tha Rama në një takim me studentët pasditen e së mërkurës./Opinion.al
