Kanioni i Holtës në Gramsh është kthyer në vëmendjen e publikut gjatë vitit të kaluar por edhe në këtë fillim viti, për shkak të ndërtimit aty të një HEC-i që kundërshtohet me forcë nga banorët.
Së fundmi për të kundërshtuar ndërtimin e këtij HEC-I, shoqëria civile dhe grupet e interesit, kanë krijuar edhe një peticion që kundërshton ndërtimin.
Por në një letër kthim përgjigje që është zbuluar së fundmi nga Balkanëeb, që mban datën 26 prill 2018, Agjencia e Kombëtare e Zonave të Mbrojtura i shkruan Agjensisë së Zhvillimit të Terrirorit se zona ku do të ndërtohet HEC-i I Holtës është jashtë zonave të mbrojtura si edhe nuk prek monumentet kulturore.
“Pas shqyrtimit të dokumentacionit (në CD) rezulton se zona ku kërkon të zhvillohet ky projekt propozimi për ndërtimin e burimit të ri gjenerues rë energjisë, HEC ‘Strori’, me vendndodhjen në përroin e Holtës dhe të Selcës, degë e lumit Devoll, Bashkia Gramsh, qarku Elbasan, është jashtë territorit të zonave të mbrojtura dhe nuk prek monumentet natyrorë”- kthen përgjigje AKZM.
Partia Demokratike ka akuzuar ish-ministrin Gjiknuri për firmën e hedhur në ndërtimin e HEC-it në Kanion, ndërsa deputeti Taulant Balla tha ditën e sotme kryeministri Rama dhe ministrja e re e Energjisë, do të marrë vendimin e duhur për ta anulluar ndërtimin e HEC-it.
