Në komunikimin e saj për mediat ditën e sotme, zv/ministrja e Shëndetësisë, Mira Rakacolli bëri me dije se nga testimet e kryera për koronavirus në 24 orët e fundit, rezultojnë se janë prekur edhe 4 pjesëtarë të personlit mjekësor në spitalin “Shefqet Ndroqi”.
LEXO EDHE – 9 raste të reja në Shqipëri, shkon 51 numri i të prekurve nga koronavirusi
Bëhet fjalë për një mjek dhe 3 infermierë të cilët kanë qenë në kontakt me pacientin, i cili aktualisht po trajtohet në spitalin infektiv dhe që, më herët ka qenë i shtruar në spitalin “Shefqet Ndroqi”.
“Siç ju kemi njoftuar, nga gjurmimi i kryer, ky pacient është vizituar në spital nga një i afërm që vinte nga Italia, dhe që NUK E KA DHËNË KËTË INFORMACION TEK STAFET MJEKËSORE. Personeli është në gjendje të mirë shëndetësore, PA SIMPTOMA dhe i vetëkarantinuar” tha Rakacolli duke bërë i bërë apel njerëzve që të deklarojnë udhëtimet e tyre pasi kjo mund të kthehet në problem për të tjerët si në rastin e mjekëve të Senatoriumit.
Në total për momentin janë 6 punonjës të personelit mjekësor të spitalit “Shefqet Ndroqi”që kanë rezultuar pozitiv për koronavirus pasi 2 ishin konfirmuar ditën e djeshme. /Opinion.al
