Numri i të infektuarve me koronavirus në Kosovë është shtuar me 2 raste të reja.
Sipas njoftimit të autoriteteve pas testimeve të kryera në Laboratorin e Mikrobiologjisë Molekulare në IKSHPK janë testuar 20 mostra të dyshimta për virusin COVID-19 dhe 2 prej tyre janë pozitive.
Dy prej rasteve pozitive janë raste kontakti njëri me vendbanim nga fshati Petrovë komuna e Shtimes, e gjinisë mashkull me moshë 44 vjeç dhe tjetra me vendbanim në Prishtinë nga komuna e Prishtinës e gjinisë femër e moshës 39 vjeç.
Kosova aktualisht ka 35 raste të konfirmuara me koronavirus nga të cilët 1 ka humbur jetën.
Qeveria e Kosovës ka shpallur gjendje të emergjencës për shëndetin publik me qëllim të parandalimit të përhapjes së kësaj sëmundjeje./ Opinion.al
