Ministria e Shëndetësisë në Maqedoninë e Veriut tha në 24 orët e fundit ka patur 7 viktima nga koronavirusi.
Gjithashtu në vend janë regjistruar edhe 165 raste të reja me Covid si edhe 128 të shëruar.
Numri më i madh i të infektuarve është në Shkup, ndërsa numër i madh i rasteve të reja janë regjistruar edhe në Tetovë, Kumanovë, Gostivar, Shtip dhe Ohër.
Në Shkup për herë të parë numri i të shëruar është më i madh se numri i të infektuarve, përkatësisht 71 të infektuar dhe 97 të shëruar.
Që nga fillimi i pandemisë, bilanci i të prekurve është rritur në 6.787, ndërsa i viktimave në 328. Deri tani janë shëruar 2.876 pacientë dhe mbi 3.850 raste janë akoma aktive. /Opinion.al
