Mëngjesin e kësaj të diele kryeministri Edi Rama e ka nisur duke publikuar në rrjetet sociale pamje të shkollës “Liria” në Fushë-Krujë.
Duke e cilësuar “destinacion arsimor i rilindjes”, kreu i qeverisë thotë se në këtë shkollë ka zënë vend risia e vetëprodhimit të energjisë me panele diellore.
Në fotot e publikuar nga Rama, shihhet që në tarracën e shkollës janë vendosur panelet diellore.
“Dhe me shkollën “Iliria” në Fushë-Krujë, një tjetër destinacion arsimor i Rilindjes pas Shkatërrimit prej tërmetit, ku ka zënë vend edhe risia e vetëprodhimit të energjisë me panele diellore, ju uroj një të diel të mbarë”, shkruan kryeministri.
Disa ditë më parë, kryeministri Rama gjatë një takimi me dhomat e biznesit këshilloi që bizneset të orientohen drejt vetëprodhimit të energjisë diellore.
