Mbrëmjen e kaluar në zonën e quajtur Raguna 1 në Karaburun ka hyrë në det një 60 vjeçar por nuk ka dalë më nga uji.
Pas disa orësh kërkime të nisura mëngjesin e sotëm, polumbarët e Forcës Detare kanë gjetur trupin e pajetë të peshkatarit. Ministria e Mbrojtjes njofton se trupi është gjetur 20 metra larg bregut.
Policia e Vlorës bëri me dije se shtetasi M.A, 60- vjeç ai ishte futur në det për të gjuajtur peshk me pushkë deti por nuk ka dalë.
Ai nuk u gjet në kërkimet e para të cilat u ndërprenë për shkak të motit të paqëndrueshëm. Ato rifilluan mëngjesin e sotëm nga Stacioni i Policisë së Orikumit, Policia Kufitare dhe Polumbaret. /Opinion.al
