Një 42-vjeçar ka humbur jetën, pasi dyshohet se aksidentalisht e ka zënë poshtë një trung peme.
Ngjarja ka ndodhur ditën e sotme në fshatin Molisht në Berat, rreth orës 13:30, ku sipas Policisë dyshohet se 42-vjeçari me iniciale S.M. shkonte në malin e fshatit për të prerë dru, për përdorim në banesë.
“Sot, rreth orës 13:30, në fshatin Molisht, dyshohet se aksidentalisht një trung peme ka zënë poshtë shtetasin S. M., 42 vjeç, i cili kishte shkuar në malin e këtij fshati, për të prerë dru, për përdorim në banesë.”
Si pasojë e dëmtimeve të marra nga aksidenti I ndodhur, 42-vjeçari ka humbur jetën.
Grupi hetimor vijon punën në vendngjarje për dokumentimin e plotë të rrethanave të kësaj ngjarjeje./Opinion.al
