Edhe pse arsyeja e shkuarjes së tij në Mbretërinë e Bashkuar ishte marrja pjesë në funeralin e Mbretëreshës Elizabeta II, veprimi i Presidentit brazilian Jair Bolsonaro po bën xhiron e rrjetit.
Bolsonaro e ka shfrytëzuar udhëtimin e tij në Mbretërinë e Bashkuar për të ndarë tronditjen e tij me çmimin e lartë të benzinës në Britani.
Bolsonaro u ndal në një pikë karburanti në Londër dhe postoi një video në lidhje me koston e karburantit duke dashur t’i thotë brazilianëve që ata paguajnë shumë herë më pak.
Teksa qëndroi në një pikë furnizimi të “Shell” në Baysëater Road, presidenti kontrovers i Brazilit vuri në dukje tabelën elektronike që tregonte çmimin 161.9 p për një litër benzinë.
Në një video të filmuar me celular, Bolsonaro tha se kostoja është “praktikisht dyfishi i mesatares së shumë shteteve braziliane” dhe gjithashtu pretendoi se karburanti në Brazil është ndër më të lirët në botë.
“Unë jam këtu në Londër, Angli, dhe çmimi i benzinës është 1.61£, kjo është rreth 9.70 R$ për litër. Benzina jonë është në fakt, ndër më të lirat në botë”, pohoi ai.
Videoja u postua në internet një natë para funeralit të Mbretëreshës. Disa komentues në mediat sociale kritikuan pretendimin e Bolsonaro dhe thanë se nuk është një krahasim i drejtë pasi paga minimale e Brazilit është shumë herë më e ulët se ajo e Britanisë.
