Detaje të tjera kanë dalë lidhur me ngjarjen e djeshme të ndodhur në qytetin e Korçës, ku 33-vjeçari i quajtur Marsel Rusi u plagos me armë zjarri.
Ditën e sotme policia njofton se është arrestuar i plagosuri Marsel Rusi dhe shoku i tij Andi Adri i cili është personi që ka shoqëruar 33-vjeçarin e ka shoqëruar në spital. Dy personat sipas autoriteteve kanë krijuar prova të rreme, me qëllim shmangien nga e vërteta e ngjarjes.
Fillimisht pista në të cilën u hetua ishte vetëplagosja.
Njoftimi i policisë
Arrestohen në flagrancë për veprën penale “Kallëzimi i rremë”, i vetëplagosuri i ngjarjes së ndodhur mbrëmjen e djeshme dhe shoku i tij.
Specialistët për Hetimin e Krimeve në Komisariatin e Policisë Korçë, në vijim të punës për zbardhjen dhe dokumentimin e plotë të ngjarjes së ndodhur mbrëmjen e djeshme, në qytetin e Korçës, ku u vetëplagos me armë zjarri 33-vjeçari M. R., banues në Korçë, pas veprimeve hetimore të kryera bënë arrestimin në flagrancë të tij dhe shokut të tij shtetasit A. A., 32 vjeç, banues në Pogradec.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme hetimore./Opinion.al
