Stadiumi “Loro Boriçi” në Shkodër është kthyer në shtëpinë e re të kuqezinjve, shtëpi kjo që deri tani ka rezultuar fatsjellëse. Përfaqësuesja e De Biazit arriti të fitonte 2-1 ndaj Maqedonisë në ndeshjene parë të vlefshme për Eliminatoret e Kampionatit Botërorë, ndërsa me shumë emocion po pritet sfida kundër Spanjës.
Fakti që ndeshja luhet në Shkodër është një mundësi e mirë për tifozët e kombëtarës që jetojnë në qytet e Malësisë së Madhe, numri i të cilëve pritet të jetë i lartë.
Elseid Hysaj dhe Bekim Balaj janë dy futbollistët me origjinë nga Reçi i Malësisë së Madhe. Dhe në atë zonë ndihen krenarë për lojtarët që përfaqësojnë fanellën kuqezi. Madje, Balaj po rezulton i suksesshëm. Madje Balaj i dhuroi edhe një gol kombëtares në “shtëpi”.
mësohet se rreth 200 sportdashës nga Kopliku po përgatisin një surprizë për Hysajn dhe Balajn për takimin e së dielën ndaj Spanjës. Mësohet se ata po përgatisin portrete të mëdha për Balajn dhe Hysajn, që t’i shpalosin në përballen e së dielës.
