Shkodra po jeton me atmosferën e ndeshjes me Italinë. Qyteti është përfshirë nga emocionet e takimit që do të nisë sot në mbrëmje në 20:45.
Tifozë shkuan te hoteli ku është përfaqësuesja italiane për të parë ndonjë nga yjet si Buffon apo Bonucci. Për t’iu afruar ishte e pamundur, pasi shoqërohen nga forca sigurie në çdo hap.
Një shpagim ndoshta ishin trofetë e fituar nga Italia në kampionatet botërore, që u ekspozuan në hollin kryesor të Teatrit Migjeni.
Para ndeshjes do të ketë edhe një ceremoni zyrtare për Lorik Canën, i cili largohet zyrtarisht nga futbolli i luajtur./Tv Klan
