Qarku i Shkodrës pasurohet me një sit të ri arkeologjik në Bushat. Lajmi është dhënë nga kryeministri Rama përmes një postimi në llogarinë e tij në rrjetin social Facebook, ku ndër të tjera shkruan se nga gërmimet shqiptaro–polake janë zbuluar gjurmë të qytetit antik ilir të shek. IV p.e.s.
Sipas kryministrit, falë bashkëpunimit ndërinstitucional po hartohet edhe Zonifikimi Arkeologjik për administrimin e kësaj pasurie të çmuar kulturore.
“Qarku i Shkodrës pasurohet me një sit të ri arkeologjik në Bushat, ku gërmimet shqiptaro–polake kanë zbuluar gjurmë të qytetit antik ilir të shek. IV p.e.s.
Falë bashkëpunimit ndërinstitucional po hartohet edhe Zonifikimi Arkeologjik për administrimin e kësaj pasurie të çmuar kulturore”, shkruan Rama.
