Dita e sotme e ka gjetur Shkodrën, Korçën dhe Peshkopinë në protestë. Qytetarët i janë përgjigjur thirrjes së opozitës dhe kanë protestuar në sheshet e qyteteve me parrulla e thirrje kundër qeverisë.
Ata shprehen se kanë shumë arsye për të protestuar, duke përmendur rritjen e çmimeve, kriminalitetit, taksave, papunësisë dhe varfërisë që ka prekur secilën familje shqiptare. Sipas protestuesve të rinjtë po largohen nga vendi sepse Shqipëria nuk iu ofron më asnjë shpresë e siguri.
“Dy rrugë ka për të rinjtë, ose të bëhën pjesë e bandave kriminale, ose të ikin në Gjermani”, thërrasin protestuesit në Shkodër.
Ndërsa banorët e Peshkopisë protestojnë për mungesën e infrastrukturës rrugore dhe ujit të pijshëm, qytetarët e Korçës thonë se janë të detyruar t’i hedhin prodhimet bujqësore, ndërsa qeveria i ka lënë jashtë çdo skeme subvensionimi.
/E.M
