Policia e Shkodrës në bazë të informacioneve të marra në rrugë operative dhe si rezultat i kontrolleve të ushtruara në vendin e quajtur Burga, fshati Lekaj, Njësia Administrative Shalë, Shkodër, në një zonë të pyllëzuar, pronë publike, ka gjetur të kultivuara 10 parcela me 827 bimë kababis, me gjatësi 10 – 15 cm.
Për këtë rast u arrestuan, Altin Celi, 25 vjeç dhe Nikoll Plepi, 62 vjeç, të dy banues në fshatin Lekaj, ky i fundit me detyrë kryeplak i këtij fshati. Gjithashtu u bë shpallja në kërkim dhe po punohet për kapjen e shtetasit: A. C, 28 vjeç, banues në Shkodër, për veprën penale “Kultivimi i bimëve narkotike” e parashikuar nga neni 284 i Kodit Penal. Materialet iu referuan Prokurorisë së Rrethit Gjyqësor Shkodër për veprime të mëtejshme.
