Ka folur për mediat vëllai i Albert Pjetrit, efektivit të Shqiponjave, lokali i të cilit u bë në mbrëmje shënjestër e një sulmi me armë zjarri.
I vëllai, Vlash Pjetri, është shprehur se ngjarja ka ndodhur një orë pasi lokali ishte mbyllur, ndërsa shton se nuk kanë pasur konflikte të mëparshme.
Ai thotë se në lokal është qëlluar 25 herë me armë zjarri, ndërsa dyshon se shkak është bërë detyra e vëllait Albert Pjetri.
“Lokali kishte 1 orë që ka qenë i mbyllur. Kemi dëgjuar krisma dhe kemi dalë jashtë. Kemi pare lokalin qe është i demtuar. Pasi ka ardh grupi hetimor kemi konstatuar qe është automjeti i vëllait Alfredit qe punon me Shqiponjat eshte qelluar. Mjeti ka qene ne oborr i parkuar. Nuk kemi konflikte me askend. Pervec per shkak te detyres se vellait qe punon me shqiponjat/ Ne lokal ështe qelluar 25 here”- u shpreh Vlash Pjetri.
Lidhur me ngjarjen policia ka shpallur në kërkim shtetasit; Rivaldo Planaj, Orlando Planaj, Bardhok Planaj dhe Mirsad Shpellzaj./ Opinion.al
