Një 47-vjeçar është mbytur në një kanal në fshatin Mes të Postribës në Shkodër.
Policia bën me dije përmes një njoftimi se shtetasi me inicialet M.U, ishte larguar nga banesa mbrëmjen e kaluar teksa sot u gjet i pajetë në mesditë në anë të kanalit.
Autoritetet bëjnë me dije se nga verifikimet paraprake nuk konstatohen shenja dhune, por dyshohet se ky shtetas duke qenë nën efektin e alkoolit është rrëzuar aksidentalisht dhe për pasojë është mbytur në kanal.
Njoftimi i policisë
Shkodër/ Informacion paraprak
Më datë 11.01.2021, rreth orës 13:00, në fshatin Mes, Postribë, Shkodër, në anë të një kanali është gjetur pa shenja jete shtetësi M. U., 47 vjeç, banues në fshatin Mes, Shkodër, i cili ishte larguar nga banesa mbrëmjen e djeshme.
Nga verifikimet paraprake nuk konstatohen shenja dhune. Dyshohet se ky shtetas duke qenë nën efektin e alkoolit është rrëzuar aksidentalisht dhe për pasojë është mbytur në kanal.
Grupi hetimor, nën drejtimin e Prokurorisë, po vijon veprimet për sqarimin e plotë të rrethanave të ngjarjes./ Opinion.al
