Një person ka përfunduar në prangat e policisë së Shkodrës, pasi ka goditur punonjësin e Policisë Bashkiake.
Mësohet se arrestimi është kryer pas kallëzimit të shtetasit A.T., I cili gjatë kohës që ka qenë në detyrë është kanosur dhe gpditur në fytyrë pa shkak nga shtetasi R.H.
Mbi të arrestuarin rëndojnë veprat penale “Goditjet për shkak të detyrës” dhe “Kanosja për shkak të detyrës”.
Informacioni i Policisë Shkodër:
Specialistët për Hetimin e Krimeve të Komisariatit të Policisë Shkodër kanë arrestuar në flagrancë shtetasin R. H., banues në Shkodër, pasi ka kallëzuar punonjësi i Policisë Bashkiake Shkodër, shtetasi A. T., se ditën e sotme, gjatë kohës që ka qenë në detyrë, shtetasi R. H., e ka kanosur dhe e ka goditur me grusht në fytyrë, pa shkak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Goditjet për shkak të detyrës” dhe “Kanosja për shkak të detyrës”.
