Ndonëse policia po heton lidhur me mënyren se si ndodhi plagosja e biznesmentit Berhan Vishnja, paraprakisht thuhet se atij iu bë pritë teksa ishte duke parkuar automjetin.
Ngjarja e rëndë ka ndodhur rreth ores 0630 pranë kryqëzimit të Zdrales, në afersi të Stadiumit “Loro Borici”.
Biznesmeni 52 vjecar ka qënë brenda automjetit të tij dhe ka ndaluar për të parkuar. Në atë moment pranë tij ka kaluar një motorcikletë me 2 persona, të cilët pasi i janë afruar e kanë qëlluar disa herë.
Autorët, ende të paidentifikuar kane qenë me kokore në kokë dhe pasi e kanë qëlluar thuhet se janë larguar me shpejtësi. Policia ka nisur hetimet për të identifikuar dhe për të arrestuar autorët, ndërkohë që ende nuk thuhet asgjë për shkaqet.
