22 bagëti (derra) janë djegur si pasojë e një zjarri që ka rënë mbrëmjen e djeshme në një stallë bagëtish në fshatin Vukatanë të Shkodrës.
Gjithashtu është djegur baza ushqimore për bagëtitë dhe pjesërisht një automjet që ishte i parkuar afër stallës.
Uniformat blu njoftojnë se dyshohet se shkak për rënien e zjarrit është bërë shkëndija elektrike.
“Komisariati i Policisë Shkodër referoi materialet në Prokurori, për vlerësim, pasi mbrëmë, rreth orës 21:10, në fshatin Vukatanë, në stallën e bagëtive të shtetasit A. Gj., ka rënë zjarr, dyshohet për shkak të një shkëndije elektrike.
Si pasojë janë djegur 22 bagëti (derra), bazë ushqimore për bagëtitë dhe pjesërisht një automjet që ishte parkuar afër stallës”,-njofton policia .
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
