Shkodra është një nga qarqet më të prekura nga përmbytjet e shkaktuara nga rreshjet intensive të shiut të ditëve të fundit.
Bashkia e Shkodrës ka dhënë detaje për situatën në këtë qark. Në një postim në rrjetin social “Facebook” bëhet me dije se nga monitorimi në terren ditën e sotme sipërfaqja totale e përmbytur është 1685 Ha tokë.
Në fshatrat Obot, Muriqan dhe Oblikë paraqitet situata më kritike, ku sipërfaqja e përmbytur e tokës bujqësore vlerësohet në 900 hektarë. Deri më tani janë evakuuar 26 familje me 99 persona, kryesisht nga Njësitë Administrative Guri i Zi, Bërdicë dhe Lagja Nr.4, ndërsa shtëpi me prezencë uji në oborre dhe në brendësi të banesave janë gjithsej 5 banesa.
Njoftimi i Bashkisë Shkodër
Nga monitorimi në terren ditën e sotme datë 22.11.2022,ora 08.00, situata e përmbytjeve në terren vazhdon të jetë si më poshtë:
- Hidrometri i Liqenit të Shkodrës në orën 08.00,shënon kuotën 7.67 m.(Kuota max 8.70 m).
- Hidrometri i lumit Drin në orën 08.00,shënon kuotën 5.90m. (Kuota max 7.50 m).
Bashkia Shkodër
Siperfaqe totale e përmbytur 1685Ha
Nj.A. Ana e Malit
- Sipërfaqja e tokës bujqësore e përmbytur vlerësohet në 900 Ha, kryesisht në fshatrat Obot, Muriqan,Oblikë
- Rruga e Obotit – Niveli i ujit mbi rrugë arrin rreth 40 cm.
- Ujësjellësi Oblika 1,si pasojë e përmbytjeve është jashtë funksionit.
Nj.A Dajç
1.Sipërfaqja e tokës bujqësore e përmbytur vlerësohet në 150 Ha, kryesisht në fshatrat Mushan, Shirq, Pentar.
- Rruga Darragjat-Shirq në vendin e quajtur Urrelat e Shirqit ka mbi 15cm ujë.
Nj.A.Velipojë
Sipërfaqja e tokës bujqësore e përmbytur vlerësohet në 135 Ha.kryesisht fshatrat Baks, Luarz. Ças.
Nj. A. Guri i Zi
Sipërfaqja e tokës bujqësore e përmbytur vlerësohet në 300 Ha, kryesisht në fshatrat Kuç dhe Rrenc.
Nj.A.Bërdicë
Sipërfaqja e tokës bujqësore e përmbytur vlerësohet në 200 Ha, konkretesht në fshtrat Trush, Berdicë e Siperme, Berdice e Mesme, Beltoje.
Familje të evakuara:
Janë 26 familje të evakuara, gjithsej 99 persona, kryesisht nga Njësitë Administrative :
Nj. Administrative Guri I Zi, 19 familje (77 persona),po evakuohen 30 krerë gjë e gjallë,të imta.
Nj. Administrative Bërdicë, 2 familje (8 përsona)
Lagja Nr.4, 3 familje (7 përsona)
Lagja nr. 1, 2 familje ( 7 përsona)
Të akomoduar në konvikt 3 familje ( 12 përsona), ndërsa pjësa tjetër tek të afërmit .
Shtëpi me prezencë uji në oborre dhe në brendësi të banesave gjithsej 5 banesa:
- Lagja Nr.4, 5 banesa (Ajasem)
Bashkia Shkodër është në gatishmëri me të gjithe kapacitetet e veta njerëzore, logjistike dhe akomoduese për ti ardhur në ndihmë popullates të rrezikuar nga pëmbytjet e shkaktuara nga reshjet e shiut dhe shkarkimet e hidrocentraleve.
