Këto janë pamjet e rënda nga momenti i përplasjes mes dy familjeve në Pukë, ngjarje e ndodhur një ditë më parë, ku si pasojë mbetën të plagosur 3 persona, Florin Zefi, Bardhe Zefi dhe Kol Marku.
Në pamje shihet se si anëtarët e familjeve përplasen me njëri – tjetrin, ndërsa në duar mbajnë kosore dhe sëpata.
“O qyqa, o zoti madh” dëgjohet të thërrasë një prej anëtareve të familjeve, ndërsa një tjetër thotë “shko se ta ngula në kokë”.
Dyshohet se konflikti ka nisur për ështje pronësie, ndërkohë mëngjesin e sotëm ka pasur sërish incidente, teksa mësohet se i është thyer xhami i makinës që drejtonte Hil Zefi.
Ky i fundit ka bërë denoncim në polici duke thënë se e kanë gjuajtur me gurë pjesëtarë të familjes Marku.
Policia ka bërë me dije se janë shoqëruar në komisariat Kol Marku dhe Florin Zefi, ndërkohë që familja Zefi ka reaguar duke thënë për News 24 se nëse shteti nuk ndërhyn, konflikti do te përshkallëzohet, pasi ata ndjehen të kërcënuar.
