Niveli i gazit në atmosferë u rrit si kurrë më parë vitin e kaluar, sipas shkencëtarëve. Përqendrimet e dioksidit të karbonit (CO2) tani janë 50% më të larta se përpara se njerëzit të fillonin të digjnin sasi të mëdha të lëndëve djegëse fosile.
Vitin e kaluar, emëtimet e karburanteve fosile ishin në nivele rekord, ndërsa bota u përball me zjarret dhe thatësirën. Ndërsa liderët bëjnë thirrje për të kufizuar ngrohjen globale në 1.5 C mbi nivelet para-industriale. Javën e kaluar u konfirmua se viti 2024 ishte viti më i nxehtë i regjistruar .
“Ne po shohim ndikimet e ndryshimeve klimatike nga nxehtësia ekstreme. Po shohim ngritje të nivelit të detit dhe stuhi. Tani ka ardhur momenti që nuk mund të themi më që kjo është një çështje për të cilën duhet të shqetësohen vetëm shkencëtarët. Pasojat po i përjetojnë të gjithë njerëzit, në të gjithë botën”, tha Gavin Schmidt.
Një studim i Korrikut 2024 zbuloi se pyjet në përgjithësi nuk thithën një vit më parë aq shumë dioksid karboni nga atmosfera si në të kaluarën, kryesisht për shkak të thatësirës së Amazonës dhe zjarreve në Kanada. Kjo do të thotë se një sasi rekord CO2 ka hyrë në atmosferë.
Shkencëtarët frikësohen se ndryshimi i klimës mund të nxisë edhe shpërthimet vullkanike.
Klan News
