Ndryshimet klimatike janë shkaktare të zjarreve katastrofike të përvitshme në Kaliforni. Ato kanë rritur ndjeshëm, shkallën dhe zgjerimin e zjarreve, kanë thënë shkencëtarët.
Prej muajit gusht, ky vend po përballet me zjarret më të mëdha në 18 vitet e fundit. Ato kanë qenë përgjegjëse për më shumë se 30 humbje jete dhe kanë detyruar mijëra persona që të largohen nga shtëpitë e tyre.
Zjarret janë kthyer në çështje politike, pasi Guvernatori i Kalifornisë, Gavin Newsom, ua ka vënë fajin ndryshimeve klimatike për zjarret në fjalë.
Ndërsa, Presidenti amerikan, Donald Trump, fajëson për situtatën, menaxhimin e keq të pyjeve. Në të kaluarën, Trump i ka cilësuar ndryshimet klimatike si një mit dhe jo ekzistente apo si një mashtrim i kushtueshëm.
Mirëpo një kërkim shkencor, i drejtuar nga profesori, Matthew Jones, për arsyet e këtyre zjarreve, sugjeron se rritja e temperaturave ka ndikim të madh.
Më herët gjatë këtij viti, i njëjti grup shkencëtarësh ka publikuar një analizë për origjinën e zjarreve dramatike që kanë përfshirë Australinë në periudhën 2019-2020.
Studimi ka treguar se ndryshimet klimatike qëndrojnë mbrapa rritjes së sezonit të zjarreve, për shkak të kombinimit të temperaturave të larta, lagështisë së ulët, erërave dhe forta dhe reshjeve të pakta.
Brenda 40 vjetëve, përkatësisht në periudhën 1979-2019, periudha e zjarreve është zgjatur me tetë ditë në nivel global./Opinion.al
