Bota

Shkencëtarët e cilësojnë si “i tmerrshëm”, çfarë dimë për variantin e ri të Covid


Bëhu pjesë e Grupit Zyrtar të Opinion.al
>> KËTU <<
               Publikuar në : 17:37 - 26/11/21 |
Opi Nion

Shkencëtarët janë shprehur të shqetësuar për një variant të ri të koronavirusit. Ai është versioni që ka një listë kaq të gjatë mutacionesh saqë u përshkrua nga një shkencëtar si “i tmerrshëm”, ndërsa një tjetër tha se ishte varianti më i keq që ata kishin parë.

BBC shkruan se janë ditët e para që ky variant i ri është zbuluar dhe rastet e konfirmuara janë ende të përqendruara kryesisht në një provincë në Afrikën e Jugut, por ka të dhëna se mund të jetë përhapur më tej.

Ka pyetje rreth asaj se sa shpejt përhapet varianti i ri, aftësia e tij për të anashkaluar një pjesë të mbrojtjes së dhënë nga vaksinat dhe çfarë duhet bërë për të. Ka shumë spekulime, por ka shumë pak përgjigje të qarta.

Pra, çfarë dimë ne për variantin e ri të Covid-19?

Varianti quhet B.1.1.529 dhe ka të ngjarë t’i jepet një emër i koduar grek (si variantet Alfa dhe Delta) nga Organizata Botërore e Shëndetësisë të premten.

Është gjithashtu tepër i mutuar. Prof Tulio de Oliveira, drejtori i Qendrës për Reagimin dhe Inovacionin Epidemik në Afrikën e Jugut, tha se kishte një “plejadë të pazakontë mutacionesh” dhe se ishte “shumë i ndryshëm” nga variantet e tjera që kanë qarkulluar.

“Ky variant na befasoi, ka një kërcim të madh në evolucion dhe shumë mutacione të tjera”, -tha ai.

Në një konferencë për media, Prof de Oliveira tha se kishte 50 mutacione në përgjithësi dhe më shumë se 30 në proteinën e spikes, e cila është objektivi i shumicës së vaksinave.

Ky mutacion i covid ka shumë të ngjarë të ketë ardhur nga një pacient i vetëm i cili nuk ishte në gjendje të mposhte virusin.

Por shqetësimi është se ky virus tani është rrënjësisht i ndryshëm nga origjinali që u shfaq në Wuhan, Kinë. Kjo do të thotë se vaksinat, të cilat janë krijuar mund të mos jenë aq efektive.

Disa nga mutacionet janë parë më parë në variante të tjera, gjë që jep një pasqyrë të rolit të tyre të mundshëm në këtë variant.

Prof Richard Lessells, nga Universiteti i KëaZulu-Natal në Afrikën e Jugut, tha: ” jemi të shqetësuar se ky virus mund të ketë transmetueshmëri të rritur, aftësi për t’u përhapur nga personi në person, por gjithashtu mund të jetë në gjendje të kapërcejë pjesë të sistemit të imunitetit.”

Ka pasur shumë shembuj të varianteve që janë dukur të frikshme në letër, por nuk kanë sjellë asgjë. Varianti Beta ishte në krye të shqetësimeve të njerëzve në fillim të vitit, sepse i shpëtonte sistemit imunitar. Por në fund ishte Delta me përhapjen më të shpejtë ajo që pushtoi botën.

Prof Ravi Gupta, nga Universiteti i Kembrixhit, tha: “Beta ishte ulje e imunitetit, Delta kishte infektim të lartë, varianti i ri potencialisht i ka të dyja në shkallë të lartë.”

Studimet shkencore në laborator do të japin një pamje më të qartë, por përgjigjet do të vijnë më shpejt nga monitorimi i virusit në botën reale.

Është ende herët për të nxjerrë përfundime të qarta, por tashmë ka shenja që po shkaktojnë shqetësime.

Deri tani janë identifikuar 77 raste në provincën Gauteng në Afrikën e Jugut, katër raste në Botsvana dhe një në Hong Kong (i cili është i lidhur drejtpërdrejt me udhëtimet nga Afrika e Jugut).

Megjithatë, ka të dhëna se varianti është përhapur edhe më gjerësisht./Opinion.al

Pas