Policia e Kurbinit të martën është përplasur me armë zjarri me një person të shpallur në kërkim prej tre vitesh.
Burimet e para nga policia thanë se ngjarja ka ndodhur në qytetin e Laçit, pas një aksioni për kapjen e shtetasit Markel Bushi.
Ky i fundit, me t’u përplasur me postblloqet e ngritura nga efektivët e policisë në të gjitha rrugët kryesore hyrëse dhe dalëse të qytetit, ka nxjerrë armën dhe ka qëlluar në drejtim të tyre.
Mësohet se efektivët i janë kundërpërgjigjur sulmit, por pa mundur t’a ndalojnë.
Aksioni vijon për kapjen e Bushit, në kërkim për një grabitje të ndodhur 5 vite më parë, gjatë së cilës u shënuan edhe të plagosur.
Bushi, së bashku me një tjetër person, tentuan të grabisnin me armë një makinë që po kthehej nga Kisha e Laçit.
