Një ngjarje e pazakontë, që ka shokuar opinionin publik dhe po bën xhiron e mediave ndërkombëtare ka ndodhur në Zimbabve, ku një infermiere e quajtur Elizabeth Mwewa, ka rrëfyer se ka shkëmbyer pesë mijë bebe me njëra tjetrën gjatë 12 viteve punë, ndërsa pohon se një gjë të tillë e ka bërë për argëtim.
E sëmurë rëndë me kancer, ajo është rrëfyer pasi kërkon faljen e Perëndisë.
“Unë kam kancer dhe e di që do të vdes shpejt. Dëshiroj të rrëfej mëkatet e mia para Zotit dhe para të gjithë njerëzve të prekur, sidomos atyre që kanë lindur në ‘University Teaching Hospital’ (UTH) gjatë shërbimit tim. Nuk kam asgjë për të fshehur. Në 12 vitet që kam punuar në repartin e lindjes në UTH, shkëmbeva afërsisht 5000 foshnje,” rrëfeu ajo.
Mwewa shtoi se krimi iu kthye në një zakon, dhe e bënte për argëtim, ndërsa këshilloi se fëmijët e lindur midis 1983 dhe 1995 në spital , duhet të kontrollohen, veçanërisht nëse duken ndryshe nga vëllezërit e tjerë të tyre.
“Më argëtonte, m’u kthye në zakon. Nëse keni lindur në UTH ndërmjet viteve 1983 dhe 1995, shanset janë që prindërit që ju rritën, të mos jenë prindërit tuaj biologjikë”, shtoi ajo./Opinion.al
