Edhe pse ka pak kohë që është bërë pjesë e familjes së madhe të Instagramit, në ndryshim nga partnerja e tij e cila numëron plot 1 milion ndjekës, Shkëlzen Berisha është një ndër më përdoruesit më aktivë të rrjetit sociale më ‘’in’’ të momentit. Sigurisht që fotografitë me Armina Mevlanin janë të pranishme pothuajse në të gjitha postimet, por ish-djali i kryeministrit Sali Berisha zgjedh po ashtu të ndajë momente nga jeta e përditshme, apo udhëtimet e vazhdueshme . Këtë gjë ka bërë edhe dje. Shkëlzeni shfaqet larg Arminës, por pranë dy dashurive të mëdha, fëmijëve nga martesa e parë me Sadije Berishën. Megjithëse fëmijët jetojnë me mamanë e tyre në Suedi, ai i takon herë pas here dhe disa orë më parë ka ndarë me ndjekësit momente të ëmbla mes familjes. Mirëpo në foton e publikuar ka tërhequr vëmendjen komenti i Arminës. Ajo ka bërë katër zemra në foton ku Shkëlzeni shfaqet me dy fëmijët dhe mbesën e tij, ndërsa ai ishte përgjigjur se u mungon të gjithëve.
