Shtëpia 90 vjeçare e modës në Itali pas një krize po përpiqet të rifitoj pozicionin e saj përball yjeve të Hollivudit.
Salvatore Ferragamo SpA -e cila ka veshur për vite me radhë yje me famë botërore nga Marilyn Monroe tek Sophia Loren, kohët e fundit ka qenë më pak e pranishme, madje në internet ka patur një reduktim të produkteve të saj. Rreth një muaj më parë shefi ekzekutiv i kompanisë ka dhënë dorëheqjen pas më pak se dy vitesh punë.
The Wall Street Journal shkruan se vitin e kaluar fitimi i kësaj kompanie kishte rënë me 42% të të ardhurave.
Kujtomë që Marilyn Monroe ishte një nga klientët më të famshëm të Ferragamos. Lidhja e projektuesit me yjet e Hollivudit ndihmoi në nxitjen dhe rritjen masive të këtij biznesi, i cili ishte ndër më të famshmit për kohën.
Drejtori aktual i kompanisë, Ferrucio Ferragamo, tha se ai mbetet i bindur në lidhje me perspektivat pozitive të kompanisë. “Është një kohë sfiduese, sepse e gjithë bota po ndryshon shpejt. Por kompania është përballur me shumë rrethana sfiduese përgjatë viteve të fundit, dhe unë nuk e konsideroj këtë periudhë të vështirë”, tha ai në një intervistë javën e kaluar.
Ferragamo u rendit si biznes i madh publik në vitin 2011, por mbetet një biznes familjar. Ferrucio Ferragamo ka rreth 70% të aksioneve të kompanisë. Drejtuesi Z. Ferragamo, është djali i themeluesit Salvatore Ferragamo, i cili vdiq në vitin 1960. Wanda Miletti Ferragamo, gruaja 96-vjeçare e Salvatore dhe nëna e Ferrucio, është kryetare e bordit dhe ende shkon në selinë e modës disa herë javë. Katër prej fëmijëve dhe një nip janë pjesë e bordit.
Kompania u themelua në vitin 1927 nga zoti Ferragamo, një këpucar italian që zhvilloi një marrëdhënie të madhe me yjet e Hollivudit.
Marka tani është e njohur për këpucët prej lëkure dhe mëndafshi.
Në vitin 1933 – Salvatore Ferragamo hap dyqanin e Hollywood-it në Los Anxhelos, i cili e ndihmon atë të fitojë famën më të madhe./Përshtatur për opinion.al- The Wall Street Journal
