Edi Rama ishte mbrëmë në studion e Ilva Tares, Lulzim Basha tek Eni Vasali dhe Ilir Meta tek Rudina Xhunga. Vetëm 4 ditë përpara zgjedhjeve ata i dhanë përgjigjet pyetjes më kryesore: A do të bëjnë koalicion dhe me kë? Ndryshe nga një javë më parë në “Opinion” nga Meta dhe Basha. Ndërsa Rama vazhdon të deklarojë se s’do jetë më me Ilir Metën.
Rama për koalicionin me Metën:
Një gjë është e sigurt që me LSI nuk do ketë koalicion. Kemi nevojë për një pauzë. Ta marrin vesh të gjithë që ajo loja i treti i vërteti ka marrë fund.
Rama për koalcionin me Bashën:
Nuk mendoj fare pas 25 Qershorit, mendoj vetëm para 25 Qershorit.
Basha për koalicionin me Ramën:
Marrëveshja ishte për një arsye, për t’i rikthyer shqiptarëve besimin në zgjedhje dhe garancitë për zgjedhje. Pjesë e marrëveshjes është reforma kushtetuese. Nuk ka asnjë marrëveshje për koalicion pazgjedhur. E përjashtojmë këtë. Ne jemi në fushatë me një plan ekonomik, ai është në fushatë për të justifikuar dështimin total të 4 viteve. S’ka asnjë pikë takimi me ne.
Basha për koalicionin me Metën:
Unë kërkoj dhe kam bindjen se shqiptarët do të votojnë PD, koalicionin tonë opozitar për të zbatuar këtë plan ekonomik, i vetmi plan në fushatë. Nuk është.. nuk e mohoj. Unë pres që PD të qeverisë vendin pas 25 qershorit dhe të zbatojë planin ekonomik.
Meta për koalicionin me Bashën:
Basha ka një avantazh se nuk ka një lidhje simbolike me bandat. Harrova ka dhe një avantazh tjetër se ka dalë në foto me Trump. Po të dalë PD dhe LSI jam i bindur që do të marrë sërish mbi 80 mandate.
Meta për koalicionin me Ramën:
I vetmi projekt i Ramës strategjik ka qene shkatërrimi i PS dhe i Ben Blushit. Thotë se pse nuk bëjmë koalicione? Hajde bëjmë bilancin? Ai asnjë herë nuk i ka qejf mesa duhet e ballafaqimet dhe analizimet.
Një koalicion Rama- Basha është një koalicion që nuk mund të funksionojë dhe është një koalicion pa këllqe.
Ndërsa nga ana e saj LSI ia dhe shanisn një herë doktorit dhe një herë PS, se po të ishte për Ramën nuk do ai kishim dhënë. Vetëm pas shumë kohës mund të bëjmë koalicion me PS, normalisht jo me Ramën.
Tani ka ardhur koha që LSI tu tregojë këtyre forcave që mund të ja dalë e vetme dhe jo me kot na qëlloi 1-shi.
