Drejtuesi i një Jet Ski është ndëshkuar nga autoritetet me një gjobë prej 100 mijë lekë të rinj, pasi shkeli perimetrin e sigurisë ujore, duke rrezikuar jetët e pushuesve në plazhin e Palasës.
Përveç gjobës, shtetasit K. L., i është bllokuar nga autoritetet edhe mjeti lundrues në Portin Himarë.
Policia Kufitare apelon për të gjithë përdoruesit e mjeteve lundruese, që të respektojnë me rigorozitet perimetrin e sigurisë ujore për plazhisët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete.
Gjithashtu, fton qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin pa pagesë 112, duke iu garantuar reagim të shpejtë, në bazë të ligjit.
