Mike Pompeo, sekretari amerikan i shtetit njoftoi se SHBA-të janë tërhequr nga marrëveshja bërthamore me Rusinë. Traktati i nënshkruar që prej kohës së Luftës së Ftohtë ndalonte prodhimin e një kategorie të tërë armësh, posaçërisht të raketave që lëshohen nga toka.
Pompeo tha se duke nisur nga 2 shkurti, SHBA nuk do t’i përmbahet më kushteve të Traktatit të Forcave Bërthamore që Shtetet e Bashkuara të Amerikës kanë nënshkruar me Rusinë. Shkak për këtë sipas Pomepos, është bëra shkelja e traktatit nga Rusia, me prodhimin e disa lloj raketash, pretendim që Moska e mohon.
Pompeo u tha gazetarëve se SHBA do t’i japë njoftimin zyrtar Rusisë se po tërhiqet nga traktati për një periudhë gjashtë mujore, nëse Rusia nuk rikthehet tek kushtet e paktit.
“Ështe detyra jonë të reagojmë në mënyrë të përshtatshme” tha Pompeo.
