Rritja e numrit të infektimeve në vend ka bërë që policia të intensifikojë kontrollet për respektimin e masave anti-COVID. Autoritetet bëjnë me dije janë gjobitur 997 qytetarë, 983 prej të cilëve për mosmbajtjen e maskës mbrojtëse.
Shërbimet e Policisë Rrugore kanë ndëshkuar me 3.000 lekë, 150 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.
Gjatë kontrolleve, efektivët e Policisë kanë evidentuar 3 subjekte që ushtronin aktivitetin në kundërshtim me protokollet e sigurisë anti-COVID. Për administratorin e secilit subjekt është vendosur gjoba prej 1.000.000 lekë.
Gjithashtu, në të gjithë vendin janë ndëshkuar me masë administrative 10.000 lekë, 11 shtetas që janë konstatuar duke lëvizur në këmbë pas orës 20:00./Opinion.al
