Policia ka arritur te identifikoje dhe të ndalojë personat e dyshuar për autorësinë e shkatërrimit të 23 automjeteve, një natë më parë në zonën e unazës së re. Personat e ndaluar janë:
1- Bledar Hilaj, 24 vjeç, lindur në Kukes dhe banues në Tiranë, i dënuar më parë për veprën penale të ‘Vjedhjes” , i dyshuar për veprën penale të “Shkaterrimit të pronës “ në bashkëpunim parashikuar nga neni 150 dhe 25 i K.Penal 0
2- Sadik Krasniqi, 24 vjeç , lindur në Kukës dhe banues në Tiranë, i dënuar më parë për veprën penale të “Vjedhjes”, i dyshuar për veprën penale të “Shkatërrimit të pronës “ në bashkëpunim, parashikuar nga neni 150 dhe 25 i K.Penal .
3- Endri Gjonaj, 20 vjeç , lindur në Krujë dhe banues në Tiranë ,proceduar me parë për veprën penale të “Drejtimit të mjetit në mënyrë të parregullt “ aktualisht me masë sigurie “Arrest shtepie “, i dyshuar për veprën penale të “Shkatërrimit të pronës “ në bashkëpunim si dhe “Largimit i të burgosurit nga vendi i vuajtjes së dënimit “parashikuar nga neni 150 dhe 25 neni 323 i K.Penal .
Si dhe u shpallën në kërkim shtetasit :
• G. Rr, 28 vjeç , lindur në Kukës dhe banues në Tiranë, i dyshuar për veprën penale të “Shkatërrimit të pronës “ në bashkëpunim parashikuar nga neni 150 dhe 25 i K.Penal.
• A.M, 20 vjeç, lindur në Laç dhe banues në Tiranë, i dyshuar për veprën penale të “Shkatërrimit të pronës “ në bashkëpunim parashikuar nga neni 150 dhe 25 i K.Penal .
• K. Z, 23 vjeç , lindur dhe banues në Tiranë, i dyshuar për veprën penale të “Shkatërrimit të pronës “ në bashkëpunim parashikuar nga neni 150 dhe 25 i K.Penal .
Arrestimi i 3 shtetasve si edhe shpallja në kërkim i 3 peronave të tjerë, u bë pasi këta shtetas në bashkëpunim me njeri-tjetrin në gjendje të dehur, më datë 09.12.2015, rreth orës 02.30 në vendin e quajtur “Sokrat Miho” kanë dëmtuar me sende te forta ,si dhe duke i goditur me shkelma xhamat dhe pasqyrat e 23 (njezet e tre ) automjeteve të cilat kanë qenë të parkuara anës rrugës pranë njera-tjetrës.
Gjithashtu u procedua në gjendje të lirë për veprën penale të “Prishje e rendit dhe qetësisë publike”, parashikuar nga neni 274 I kodit penal, për shtetasin K.R, 20 vjeç , lindur në Korçë dhe banues në Tiranë.
Procedimi ndaj këtij shtetasi filloj pasi në datë 09.012.2015 gjate natës në lokalin e tij qe ndodhet në rrugen “Loni Ligori”, ka sjelle shqetesime për banoret duke mbajtur muziken me zë të lartë.
