Dy të rinj shqiptarë janë arrestuar si pjesë e një rrjeti të trafikut të lëndëve narkotike që furnizonte rajonin e Savojës në Francë.
Policia italiane i arrestoi dy të rinjtë në hyrje nga Italia të tunelit të Malit të Bardhë të cilin e përdornin si rrugën e transportit të drogës.
Në momentin e arrestimit ata ishin duke udhëtuar me një makinë tip ‘Benz’ dhe brenda saj ju gjetën 100 mijë euro të fshehura në pjesën e motorit.
Më pas forcat e policisë zbuluan një vend që përdorej si laborator droge në Saint-Julien, pranë kufirit me Zvicrën. Aty u gjetën 60 mijë euro, 1.5 kg heroinë dhe 1.7 kokainë. Vlera e mallit të sekuestruar përllogaritet të arrinte vlerën 500 mijë euro.
Dy shqiptarët e arrestuar mësohet se kishin vizë turistike dhe shkonin një herë në tre javë në Francë për të cuar kokainën dhe heroinën tek dy bashkëkombës të cilët e shpërndanin.
Me paratë e fituara nga droga më pas blinin mjete të shtrenjta në Zvicër, të cilat i shisnin në Shqipëri. /Opinion.al
