Është shkatërruar një grup i strukturuar kriminal shqiptaro-nigerian, që ka çuar në pranga 52 persona, 27 shqiptarë, 23 nigerianë, italianë dhe një gambian. Policia italiane ka arritur të zbërthejë një marrëveshje mes grupeve kriminale që operojnë në Vlorë dhe atyre nigeriane.
Trafikantët i kanë çuar në pranga mesazhet e shkëmbyera me njëri tjetrin për trafikimin e drogës. “Tre kilogramë menjëherë”, shkruante njëri në një mesazh. “Nuk ka problem”, i përgjigjej tjetri.
Droga e sekuestruar gjatë opercacionit policor kap vlerën e 2 milion eurove. Ndërkohë mediat italiane shkruajnë se krerët e bandës ishin shqiptari Geraldo Bejaj nga Vlora dhe Momodu Sule nga Nigeria.Të dy organizonin transportimin e tonelatave me marijuanë që merrej nga Vlora, çohej në Romë përmes Puglias dhe shitej në sheshet e farmacive të gjysmës së Italisë, nga Napoli në Brescia. Transporti bëhej edhe në Europën Lindore.
Ky hetim nisi në vitin 2018 nga disa arrestime të bëra nga karabinierët në Romë “në zonën përfshirë stacionin hekurudhor Romë-Tiburtina dhe stacionin e autobusëve Tibus, të vendosur në Via Largo Guido Mazzoni”. Vetëm në javët e fundit prokuroria e Romës i drejtuar nga Michele Prestipino, me kërkesë të zv/prokurores Nadia Plastina, pas dy viteve hetime filloi arrestimet personat që i përkisnin klanit shqiptaro-italian.
Të gjithë të dyshuarit shqiptarë si pjesë e këtij rrjeti janë nga Vlora. Droga bëhej gati, me të njëjtin paketim me shirit ngjitës me ngjyra të ndryshme për të dalluar paketimet bazuar në sasinë e lëndës narkotike.
Sipas zyrës së Prokurorit, Momodu menaxhonte furnizimin e qendrave tregtare jo vetëm në Romë, por edhe në Brescia, Parma, Isernia dhe Napoli. Ndërsa Bejaj ishte pika e kontaktit për dërgesat jo vetëm në Romë, por edhe për ato në Venecia, Verona dhe Firence.
