Prej vitesh pyjet në Pukë janë prerë masivisht duke sjell shkatërrimin e një prej zonave malore më të bukura në vend. Sot policia njoftoi arrestimin e një biznesmeni dhe tre zyrtarëve të shetit. Mësohet se 3 pynonjësit e Pyjores i kishin dhënë 3 ha tokë biznesmenit Frrok Gjoka.
Policia tha se të arrestuarit janë:
-Gjin Filipi, 55 vjeç, banues në Pukë, (shef seksioni i pyjeve në bashkinë Pukë)
-Astrit Hyseni, 42 vjeç, banues në Pukë, (specialist pyjesh në bashkinë Pukë)
-Enver Laçi, 37 vjeç, banues në Pukë, (specialist pyjesh në bashkinë Pukë)
-Frrok Gjoka, 59 vjeç, banues në Pukë
Nga hetimet e kryera ka rezultuar se këta shtetas kanë shpërdoruar detyrën duke autorizuar në mënyrë të paligjshme prerjen e një sipërfaqe prej 3 000 metër katror në ekonominë pyjore Krrab – Bushat administratorit të subjektit “Gjoka shpk” shtetasit Frrok Gjoka.
Tre të parët akuzohen për shpërdorim detyre ndërsa biznesmeni për prerje të paligjshme të pyjeve.
