Ministri i Brendshëm, Sandër Lleshaj lajmëroi shkarkimin nga detyra të prefektit të Shkodrës, Çesk Millja për shkak të situatës së krijuar nga pandemia e koronavirusit në këtë qytet.
Sipas ministrit Lleshaj, shkarkimi i prefektit vjen për arsye të mungesës së vendimmarrjes në një kohë kur hezitimi për të mos vepruar sjell pasoja të rënda në jetën e njerëzve.
“Nëse kemi shprehur rezerva për qarkun e Shkodrës, të gjitha nuk I kanë shkuar Bashkisë. Në mënyrat si kanë funksioniar gjërat në Shkodër kanë pjesë dhe përfaqësuesit e tjerë. Gjatë kësaj periudhe është vërejtur një burokraci e paparanueshme dhe mungesë lidershipi, kur drejtuesit duhet të marrin përgjegjësi dhe vendime në të tilla situatë. Këto situata kërkojnë iniciativë dhe vendimmarje. Hezitimi për të mos vepruar sjell pasoja. Mungesa e vendimmarrjes është arsyeja kryesore për lirimin detyra të prefektit Millja. Qeveria ka vendosur për të caktuar me detyrën e koordinimit të të gjitha zhvillimeve me kryetarët e këtij qarku, zv/ministrin Besfort Llamallari, me synim që të dilet sa më shpejt nga gjendja e pandemisë. Emërimi i një zv/ministri tregon rëndësinë që i kushton qeveria situatës në Shkodër”, deklaroi Lleshaj.
Ministri Lleshaj njoftoi se zv/ministri, Besfort Lamallari, do të emërohet koordinator në qarkun e Shkodrës për përballimin e situatës nga Covid-19.
“Për të menaxhuar situatën në qarkun e Shkodrës, qeveria ka vendosur të koordinojë punët zv.ministrin e Brendshëm, Besfort Lamallari. Ai do ketë detyrën e koordinimit dhe bashkëpunimit me kryetarët e bashkive.
Komandimi i një zv. ministri në këtë funfsion është shprehje e rëndësisë që i kushton qeveria gjendjes në vend dhe qartësisht gjendjes në Shkodër.
Kam besim se drejtuesit e bashkive të qarkut do ta vlerësojnë këtë hap të rëndësishëm. Dua t’ju kërkoj drejtuesve në qarkun e Shkodrës, drejtuesve të partive, medias që këto momente të kalojnë në plan të dytë, shumë ndjeshmëri të vogla partiake për t’u fokusuar tek Shkodra.”, deklaroi Lleshaj./Opinion.al
