Asambleja e jashtëzakonshme e Shoqatës së Bashkive të vendit ka shkarkuar ditën e sotme Voltana Ademin nga posti i kryetares së shoqatës së bashkive të Shqipërisë.
Bëhet me dije se në vend të saj është zgjedhur Pjerin Ndreu.
“Në Asamble marrin pjesë kryetarët e bashkive, zgjodhëm ekipin drejtues të shoqatës e cila kishte dy vite që nuk mblidhej. Kërkuam mbledhjen e jashtëzakonshme të asamblesë, u zgjodh kryesia e përbërë nga tre vetë, unë u zgjodha kryetar. Ne nuk merremi me fantazira, në shoqata aderojnë bashkitë dhe jo kryetarët, nuk ka të bëjë me emrin e kryetarit, nuk kanë të bëjnë emrat“.- u shpreh Pjerin Ndreu në fjalën e tij.
Mbledhja u zhvillua në qytetin e Lezhës pa praninë e mediave, ndërsa në përfundim të saj kryebashkiaku i Lezhë Pjerin Ndreu tha se kjo shoqatë kishte dy vite që nuk ishte efiçente, ndaj dhe u kërkua mbledhja e jashtëzakonshme e asamblesë./Opinion.al
