Burime zyrtare nga Policia e Shtetit kanë konfirmuar shkarkimin nga detyra të Drejtorit të Përgjithshëm për Hetimin e Krimit të Organizuar dhe Krimeve të Rënda, Ardian Çipa. Sipas të njëjtave burime shkarkimi i është komunikuar zyrtarisht nga vetë Drejtori i Përgjithshëm i Policisë së Shtetit, Haki Çako.
Pritet që Çipa të mos largohet përfundimisht nga radhët e Policisë pasi Çako i ka propozuar një post në sektorin për mbrojtjen e dëshmitarëve.
Gjatë ditës së djeshme, Çako ka zhvilluar takime edhe me disa drejtorë qarqesh të cilët kanë qenë problematikë në përballimin e situatës së kanabisit.
Burime të pakonfirmuara pohojnë për “BalkanWeb” se do të ketë shkarkime edhe në rradhët e drejtorëve të policisë në qarqe.
