Prokurori Gentian Osmani është shkarkuar nga detyra. Vendimi është marrë nga Kolegji i Posaçëm i Apelimit (KPA). Osmani kishte kaluar procesin e vetting-ut në Komisionin e Pavarur të Kualifikimit, por vendimi u ankimua në KPA nga Komisioneri Publik me rekomandim të Operacionit Ndërkombëtar të Monitorimit.
Trupi gjykues në KPA i kryesuar nga Natasha Mulaj dhe me anëtarë Albana Shtylla, Ardian Hajdari dhe Rezarta Schuetz vendosën ndryshimin e vendimit të KPK dhe shkarkimin nga detyra të Osmanit, i cili është gjithashtu anëtar i Këshillit të Lartë të Prokurorisë (KLP).
Shkarkimi erdhi pasi KPA vlerësoi se Gentian Osmani nuk justifikon dot pasurinë e dy viteve. Me këtë vendim edhe Këshilli i Lartë i Prokurorisë futet në një ngërç, pasi barazohet numri i anëtarëve prokurorë me ata jo prokurorë.
Tani i mbetet në dorë Arta Markut që të “futet në lojë” dhe të rihap sërish garën për një anëtar prokuror në KLP./ Opinion.al
