Ministri britanik i Mbrojtjes, Gevin Uilliamson është shkarkuar nga detyra, pasi akuzohet se zbuloi informacione të klasifikuar si sekret shtetëror.
Uilliamson u ka dhënë informacion mediave në lidhje me një vendim të qeverisë britanike për t’i lejuar kompanisë kineze të telefonisë “HUA UEI” akses të kufizuar në ndërtimin e rrjetit 5G të internetit, pavarësisht presionit të Shteteve të Bashkuara.
Qeveria britanike, përmes një njoftimi për shtyp është shprehur se ka humbur besimin ndaj Uilliamson dhe për këtë arsye Theresa May ka vendosur shkarkimin e tij.
Ndërkohë, Gevin Uilliamson ka mohuar akuzat e ngritura ndaj tij, duke argumentuar se çdo informacion i dhënë prej tij është diskutuar më parë në Këshillin e Sigurisë Kombëtare.
Ai zhvilloi ditën e sotme një takim me May, e cila i ka thënë atij se kishte prova të kundërshtueshme që e implikonin atë në zbulimin e paautorizuar të informacionit të klasifikuar shtetëror./ Opinion.al E.Xh.
